Արցախի պետական նախարար Արտակ Բեգլարեան ընդունած է «Հայաստան» համահայկական հիմնադրամի Ֆրանսայի տեղական մարմնի ատենապետ Պետրոս Թերզեանը: Ողջունելով «Հայաստան» համահայկական հիմնադրամի Ֆրանսայի տեղական մարմնի եւ Պ. Թերզեանի ներդրումը Արցախի ենթակառուցուածքներու զարգացման գործին մէջ՝ Ա. Բեգլարեան, մասնաւորապէս, նշած է.«Կը ցանկայի շնորհակալութիւն յայտնել Ձեզի Արցախի խնդիրներու նկատմամբ մշտապէս ցուցաբերուող սրտացաւ վերաբերմունքին համար: Համոզմունքս է, որ իւրաքանչիւր հայ պէտք է իր ներդրումն ունենայ Արցախի վերականգնման ու զարգացման գործին մէջ»:

Պ. Թերզեան շնորհակալութիւն յայտնած է Ա.Բեգլարեանին ջերմ ընդունելութեան համար, յայտնած իր պատրաստակամութիւնը աշխատիլ տարիներէ ի վեր ձեւաւորուած համագործակցութիւնը խորացնելու ուղղութեամբ: