Յունաստանի մօտ Հայաստանի Հանրապետութեան արտակարգ եւ լիազօր դեսպան Տիգրան Մկրտչեան այցելած է Յունաստանի ազգային գրադարանը եւ հանդիպած գրադարանի տնօրէն Սթաւրոս Զումպուլաքիսին հետ:

Դեսպան Մկրտչեան գրադարանի նախագահին ուղեկցութեամբ շրջած է գրադարանին մէջ, ծանօթացած այնտեղ պահուող գրականութեան: 

Հանդիպման ընթացքին զրուցակիցներն ընդգծած են միջգրադարանային համագործակցութեան, շփումներու, փոխայցելութիւններու եւ փորձի փոխանակման կարեւորութիւնը: 

Կողմերը քննարկած են համատեղ միջոցառումներ իրականացնելու հեռանկարները։

Դեսպան Մկրտչեան Յունաստանի ազգային գրադարանին շարք մը գիրքեր նուիրած է` Հայոց Ցեղասպանութեան պատմութեան, հայ ժողովուրդի պատմութեան եւ մշակոյթին վերաբերեալ` յոյս յայտնելով, որ գրականութիւնն իր արժանի տեղը պիտի զբաղեցնէ Յունաստանի ազգային գրադարանին մէջ: