Իրաքի վարչապետ Մուսթաֆա Ալ Քազիմի Յուլիսի 21-ը ազգային սուգի օր յայտարարած է երկրի հիւսիսը թրքական հրետանիի գնդակոծման հետեւանքով զոհուածներու յիշատակին: 

«Վարչապետ Մուսթաֆա Ալ Քազիմի Յուլիսի 21-ին սուգ յայտարարած է Տահուք նահանգին մէջ զբօսաշրջային առողջավայրերէն մէկուն թրքական դաժան ռմբակոծման հետեւանքով զոհուածներու յիշատակին»,- ըսուած Է յայտարարութեան մէջ: 

Յուլիսի 20-ին «SHAFAQ News»ը յայտնած է, որ Տահուք նահանգին մէջ թրքական հրետանիի կողմէ զբօսաշրջային կառոյցի գնդակոծման հետեւանքով զոհուած է ինը անձ, եւս 22-ը՝ վիրաւորուած: 

Արտաքին գործոց նախարարութեան յանձարարուած է ցուցակ պատրաստել Թուրքիոյ կողմէ արաբական հանրապետութեան ինքնիշխանութեան խախտումներուն մասին եւ գանգատ ներկայացնել ՄԱԿ-ի Անվտանգութեան խորհուրդին: