Վանի քաղաքապետարանին կողմէ կազմակերպուած «Վանայ ծովուն մէջ լողի առաջին փառատօն»ի ծիրին մէջ  քաղաք ժամանած մարզիկները  եւ բնութեան ջատագովները, փառատօնին մասնակցելէ զատ այցելած են Վանի տեսարժան ու պատմական վայրերը։ Փառատօնի 3-րդ օրը անոնք այցելած են Կեւաշ գաւառի Ալթընսաչ թաղամասին մէջ գտնուող 11-րդ դարուն կառուցուած հայկական Սուրբ Թովմաս վանքը, որ բառացիօրէն մատնուած է անտէրութեան։

Ցանկալով լուսանկարուիլ, անոնք  բարձրացած են փլուզման ենթակայ վանքին պատերն ու գմբէթն ի վեր։

Քաղաքապետարանը իր կայքէջին այս լուսանկարը ներկայացուցած է «Վանայ ծովուն մէջ լողի փառատօնը կը շարունակուի գունաւոր պատկերներով» գրառմամբ։