Թեհրանի մէջ Ռայիսի-Փութին-Էրտողան հանդիպումէն ետք, ուր իրանական կողմը Փութինին ու Էրտողանին առաջ կրկին բարձրացուգած է Հայաստանի հետ սահմանի փոփոխութեան անթոյլատրելիութեան հարցը, Թուրքիոյ արտաքին գործոց նախարար Չաւուշօղլու թրքական պետական հեռուստաընկերութեան տուած հարցազրոյցի ժամանակ ըսած է, որ թէեւ հայ-թրքական գործընթացը երկկողմ մակարդակով կ’ընթանայ, սակայն այն իրականութեան մէջ եռակողմ գործընթաց է, քանի որ իրենք ամէն ինչ կը համակարգեն Պաքուի հետ: «Այն իրողութիւն է՝ անկախ անկէ, թէ հայաստանցիները հաւանութիւն կու տան, թէ ոչ. մենք մէկ ազգ, երկու պետութիւն ենք»,- նշած է Չաւուշօղլու։

Այսպիսով, հակառակ հայ եւ թուրք պաշտօնեաներուն յարաբերութիւնները առանց նախապայմաններու կարգաւորելու վերաբերեալ յայտարարութիւններուն, Չաւուշօղլու ըստ էութեան կը յայտարարէ թրքական նախապայմաններու մասին, որոնք կապուած են Պաքուի պահանջներուն ու շահերուն հետ։ Ընդ որում, անոնք թրքական նախապայմաններու աւելի լայն փաթեթի մէկ մասն են։ Մասնաւորապէս, ակնարկելով սահմանազատման հայ-թրքական յանձնաժողովին մասին, թրքական կողմը կը դնէ Կարսի 1921թ․ ռուս-թրքական պայմանագրին թարմացման հարցը աւելի լայն կիրառմամբ, այդ թուին՝ Արցախի ու Նախիջեւանի՝ Պաքուին պատկանելութեան ճանաչումով։

Արեւմտեան Հայաստանը Թուրքիոյ այս յայտարարութիւնը սանձարձակ կ’որակէ, նշելով, որ այս երկիրը արդէն մէկ հարիւրամեակ բռնազաւթուած կը պահէ Արեւմտեան Հայաստանի տարածքը, թոյլ չտալով բնիկներուն ապրիլ եւ արարել իրենց սեփական հողին վրայ։