ՀՀ Կրթութեան, գիտութեան, մշակոյթի եւ մարմնամարզութեան նախարարի տեղակալ Արթուր Մարտիրոսեան ընդունած է «Ազնաւուր» հիմնադրամի ներկայացուցիչները՝ հիմնադրամի տնօրէն Քրիստինա Ազնաւուրի (Սարգիսեան) գլխաւորութեամբ: Հանդիպման նպատակն էր քննարկել Շառլ Ազնաւուրի 100-ամեակին (2024 թ.) նուիրուած միջոցառումներու ծրագիրը, համագործակցութեան ուղիները:

Քրիստինա Ազնաւուրի տեղեկացմամբ՝ ֆրանսական կողմը նախապատրաստական աշխատանքներու հանգրուանին է. մինչեւ 2024թ. Ֆրանսայի մէջ պիտի տեղադրուի Շառլ Ազնաւուրի արձանը, որուն նախագիծն արդէն պատրաստ է, նախատեսուած է կազմակերպել խոշոր համերգ, բանալ Ազնաւուրի կենսագործունէութեան նուիրուած ցուցահանդէս: Երեւանի քաղաքապետարանին հետ քննարկման հանգրուանին է Հայաստանի մէջ եւս Ազնաւուրի արձանը տեղադրելու հարցը: «Ազնաւուր» հիմնադրամի տնօրէնն առաջարկած է բոլոր միջոցառումներն իրականացնել Ֆրանսայի հետ զուգահեռ, այդ թուին՝ արձանի տեղադրումը:

Արթուր Մարտիրոսեան ուրախութեամբ փաստած է, որ հայաստանեան կողմը սիրով պիտի համագործակցի հիմնադրամին հետ միջոցառումներու ծրագիրն իրականացնելու համար, եւ աշխարհահռչա կ երգահանին յոբելեանը Հայաստանի մէջ պիտի նշուի նոյնքան վառ, որքան Ֆրանսայի մէջ:

Արեւմտեան Հայաստանը հպարտ է, որ կ’արժեւորեն մեծանուն այս հայը։ Շառլ Ազնաւուր այն հազարաւոր հայերէն մէկն է, որ ծնած է Ցեղասպանութենէն մազապուրծ եղած հայերու ընտանիքի մէջ, այնուհետեւ իր գործունէութեամբ պայքարած, որպէսզի ճանչցուի եւ դատապարտուի մարդկութեան հանդէպ չարիքը։