Արեւմտեան Հայաստանի Սամոսաթ (Ատըյաման) նահանգի Քահթա գաւառին մէջ քաղաքապետարանին կողմէ կատարուող հորատման աշխատանքի ժամանակ յայտնաբերուած են հռոմէական ժամանակաշրջանի 3 դամբարաններ եւ այլ գտածոներ:

Դամբարանները ի յայտ եկած են բոլորովին պատահաբար՝ ջրաւազան կառուցելու նպատակով ընթացող աշխատանքին արդիւնքով:

Դամբարանները յայտնաբերուելէ ետք Սամոսաթի թանգարանի տնօրինութեան աշխատակիցները եկած են տարածք եւ զննած այն։ Ուսումնասիրութեան արդիւնքով այստեղ յայտնաբերուած են նաեւ խեցեղէն, հռոմէական ժամանակաշրջանի պրոնզէ հայելի եւ նէոլիթեան շրջանի կացին։

Վստահաբար այստեղ նաեւ հայկական հետք կայ, սակայն ինչպէս միշտ թքական կողմը այդ մասին պիտի չբարձրաձայնէ, եւ այն պիտի ներկայացուի որպէս կա’մ հռոմէական, կա’մ այլ մշակոյթի պատկանող արժէք։