Իրան եւ Հայաստան թոյլ չեն տար միջամտությիւն իրենց ընդհանուր սահմանի հարցին մէջ, եւ անոնք այս հարցին մէջ երրորդ երկիրներու, այդ թուին՝ Թուրքիոյ խորհրդատւութեան կարիքը չունին։ Այս մասին յայտարարած է Իրանի խորհրդարանի արտաքին քաղաքականութեան եւ ազգային անվտանգութեան յանձնաժողովի սահմանային հարցերու յանձնաժողովի նախագահ Շահրիար Հէյտարի, կը փոխանցէ «IRIB»ը։

Ան յիշած է, որ Իրանի գերագոյն առաջնորդ Այաթոլլա Ալիէ Սայէտ Խամենէի այդ մասին յայտարարած է Թեհրանի մէջ Թուրքիոյ եւ Ռուսիոյ նախագահներուն հետ հանդիպման ժամանակ։ Ան նշած է, որ Հայաստան տարածաշրջանին մէջ ռազմավարական դիրք կը զբաղեցնէ, բան մը, որ անոր բազմաթիւ խնդիրներուն պատճառ դարձած է, որոնցմէ մէկը ղարաբաղեան հակամարտութիւնն է։

Սակայն, Շահրիար Հէյտարիի կարծիքով, խնդիրը պէտք է լուծուի լրջօրէն եւ դիւանագիտական ճանապարհով։ Իրան միշտ յայտարարած է, որ Հայաստանն ու Ատրպէյճանը այս հարցը քաղաքական ճանապարհով պէտք է լուծեն։

Արեւմտեան Հայաստանը կը գտնէ, որ Եղբայրական Իրանը եւ Հայաստանի Հանրապետութիւնը որեւէ սահմանային խնդիրներ չեն կրնար ունենալ, քանի որ երկու երկիրներու թէ՛ ազգային, թէ՛ քաղաքական շահը այդ մէկը թոյլ չի տար։ Իրանի այսքան յստակ մօտեցումը եւս մէկ անգամ կը փաստէ հայ-իրանական բարեկամութեան մասին։