Արցախի թեմի առաջնորդ Գերաշնորհ Տէր Վրթանէս եպիսկոպոս Աբրահամեանի օրհնութեամբ, Յուլիսի 21-ին Արցախի հնագոյն պատմամշակութային վայրերէն մէկուն՝ Բռի Եղցի վանական համալիրին մէջ, տեղի ունեցան մաքրապատման աշխատանքներ։ Աշխատանքը կազմակերպուեցաւ արժանապատիւ Տէր Մատթէոս քահանայ Դրաուանցի կողմէ եւ իր ներկայութեամբ։

Մաքրապատման միացան Հացի գիւղի երիտասարդները՝ գիւղապետին գլխաւորութեամբ, որոնք իրենց աշխոյժ մասնակցութեամբ մեծապէս նպաստեցին աշխատանքներուն։ Հոգեւորականաց դասին առաջնորդութեամբ՝ ներկաները աղօթքով սկսան բարեկարգման աշխատանքները։ Վանական համալիրին տարածքը բուսածածկոյթէ եւ հողածածկոյթէ մաքրելու ընթացքին բացայայտուեցաւ մէկ խաչքար ու մէկ տապանաքար՝ իրենց արձանագրութիւններով։