Արեւմտեան Եւրոպայի Հայրապետական Պատուիրակ` Գերաշնորհ Տէր Խաժակ Արքեպիսկոպոս Պարսամեան Յուլիսի 21-23-ը հովուական այցով Սպանիոյ հարաւը գտնուող Մալակա քաղաքը այցելած է:

Այս մասին տեղեկացուցած են Արեւմտեան Եւրոպայի Հայրապետական պատուիրակութեան դիւանէն։ «Արարողութենէն առաջ Սրբազան Հայրը` ուղեկցութեամբ Սպանիոյ եւ Փորթուկալի Հայրապետական պատուիրակի փոխանորդ` Տէր Շնորհք աբեղայ Սարգսեանին, հանդիպում ունեցաւ տեղի եկեղեցական խորհուրդի անդամներուն հետ` քննարկելու համար յառաջիկային եկեղեցւոյ վերջնական օծման եւ համայնքային կեանքը Հայ Առաքելական Սուրբ Եկեղեցւոյ հովանիին ներքոյ ըստ պատշաճի կազմակերպելու հարցեր:

Արարողութեան աւարտին Սրբազան Հայրը խօսքն ուղղելով բոլոր ներկաներուն նշեց, որ այս եկեղեցին պէտք է ըլլայ բոլոր հայերուն տունը: Յաւարտ եկեղեցական արարողութիւններու, եկեղեցւոյ մէջ տեղի ունեցաւ դասական երաժշտութեան համերգ, ուր հնչեցին Կոմիտասի Պատարագէն հատուածներ եւ այլ կոմիտասեան ազգային երգեր»,- ըսուած է հաղորդագրութեան մէջ:

Արեւմտեան Հայաստանը կը շնորհաւորէ համայն հայութիւնը եւ Սպանիա ապրող հայերը հայկական մշակութային այս կոթողին՝ եկեղեցւոյ օծման առթիւ։ Վստհաբար հաւատքը պէտք է ամրապնդել աշխարհի որեւէ վայրի մէջ։