ԱՄՆ Արտաքին գործոց նախարարը, ինչպէս նաեւ ամերիկացի այլ բարձրաստիճան պաշտօնեաներ բոլոր մակարդակներու վրայ կը շարունակեն աշխատանքը Հայաստանի եւ Ատրպէյճանի հետ՝ շարունակելով առաջարկել ամերիկեան կողմի աջակցութիւնը՝ յանուն երկարաժամկէտ ու համապարփակ խաղաղութեան: «Արմէնփրէս»ի փոխանցմամբ, այս մասին ճեպազրոյցի ժամանակ յայտնած է ԱՄՆ Արտաքին գործոց նախարարութեան խօսնակ Նէտ Փրայս:

Լրագրողը անոր յիշեցուցած է, որ Արտաքին գործոց նախարար Էնթընի Պլինքըն օրերս հեռախօսազրոյցներ ունեցած է Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի հետ՝ վերահաստատելով կողմերուն միջեւ առկայ գործընթացին աջակցելու պատրաստակամութիւնը: Ան հետաքրքրուած է, թէ արդեօք այն կը նշանակէ՞, որ ԱՄՆ Արտաքին գործոց նախարարութեան կողմէ կատարուած նախկին նման առաջարկները մերժուած էին, որուն ի պատասխան Փրայս պատասխանած է. «Ոչ,  այդպէս չէ: Այդ մէկը կը նշանակէ, որ մենք կրցած ենք հասնիլ որոշ առաջընթացի, եւ մեր հայ ու ատրպէյճանցի գործընկերներուն հետ շարունակական շփումներու եւ դիւանագիտական բանակցութիւններու միջոցով, կը կարծենք, որ կրնանք շարունակել այս ընթացքը: Լրագրողին դիտարկման, որ ի տարբերութիւն Արտաքին գործոց նախարարութեան, որ իր յայտարարութիւններուն մէջ շարունակաբար կը յիշատակէ խնդիրին կարգաւորման գործընթացին մէջ միջնորդ մարմնի՝ Մինսկի խումբի համանախագահութեան ձեւաչափին մասին, Ատրպէյճանի նախագահն ամէն օր կը վատաբանէ այն, Փրայս պատասխանած է. «Մենք մեր յայտարարութիւններուն մէջ յստակ ըսած ենք, որ ԱՄՆ պատրաստ է աջակցիլ այս երկու երկիրներուն ու համախոհ գործընկերներուն որեւէ տարբերակով կամ ձեւաչափով, որ արդիւնաւէտ պիտի ըլլայ: Մենք 1994 թուականէն Մինսկի խումբի համանախագահ ենք, բայց ինչպէս արդէն ցոյց տուած ենք, մենք նաեւ կը ցանկանք երկիրներուն հետ ներգրաւուիլ երկկողմ ձեւաչափով՝ օգնելու Հայաստանին ու Ատրպէյճանին գտնել երկարաժամկէտ, համապարփակ խաղաղութիւն»:

Արեւմտեան Հայաստանը կը կարծէ, որ որեւէ փոխգործակցութեան մէջ պէտք է պարտադիր հաշուի առնել ազգային շահերը։ Պէտք է հիմնուիլ բնիկութեան վրայ եւ այդ իրաւունքներով միջազգային հանրութեան ցոյց տալ այն իրական տարածքները, ուր բնիկ հայերը ապրած եւ ցեղասպանուած են, ըլլալ պահանջատէր եւ միայն այս կերպով հասնիլ իրական արդիւնքի։

Leave a Reply