Պետական պիւտճէի միջոցներով Ստեփանակերտի Ազատամարտիկներու 36 հասցէի բազմաբնակարան շէնքի նորոգման աշխատանքները կը շարունակուին՝ կը տեղեկացնեն Արցախի քաղաքաշինութեան նախարարութենէն:
Կ’իրականացուին արտաքին հարդարման, պատուհաններու տեղադրման աշխատանքներ։
Շինարարութիւնը կ’իրականացնէ «Ռաֆ Էլիտ» ՍՊ ընկերութիւնը:
Յիշեցնենք, որ Ատրպէյճանի կողմէ սանձազերծուած վերջին պատերազմի ընթացքին Արցախ ապրող բնիկ հայերը իրենց սեփական հողին մէջ կրեցին ինչպէս մարդկային, այնպէս ալ նիւթական վնասներ։ Այն ցեղասպանութիւնը, որ իրագործուեցաւ
2020 թուականին Ատրպէյճանի կողմէ, պէտք է դատապարտուի միջազգային հանրութեան կողմէ եւ ստանայ իր համարժէք պատասխանը։