Հայաստան եւ Պոլիվիա կը տօնեն երկկողմ դիւանագիտական յարաբերութիւններու հաստատման 30-ամեակը: Ինչպէս կը հաղորդում է «Արմէնփրէս»ը, Հայաստանի Հանրապետութեան եւ Պոլիվիոյ Բազմազգ Պետութեան միջեւ դիւանագիտական յարաբերութիւնները հաստատուած են ճիշդ 30 տարի առաջ՝ 1992թ. Յուլիսի 27-ին: Հարաւային Ամերիկայի մէջ տեղակայուած այս երկիրը՝ Պոլիվիա, որ անկախացած է 1825 թուականին, աշխարհին յայտնի է իր եզակի եւ իւրայատուկ տեսարժան վայրերով: Մասնաւորապէս՝ այս երկրին մէջ կը գտնուի աշխարհի ամենաբարձրադիր մայրաքաղաքը՝ Լա Փասը, որ ծովի մակերեւոյթէն 3869 մեթր բարձրութեան վրայ է, այստեղ կը գտնուին նաեւ աշխարհի ամենայայտնի աղի լիճը՝ Ույունին, եւ աշխարհի ամենավտանգաւոր ճանապարհը: Բացի անկէ, Պոլիվիա կը կիսէ Փերուի հետ աշխարհի ամենաշատ քաղցրահամ ջուրերու պաշար ունեցող լեռնային լիճը՝ հանրայայտ Թիթիքաքան: Սակայն լատին-ամերիկեան հեռաւոր այս երկրին հետ Հայաստանի յարաբերութիւնները շատ զարգացած չեն: Պոլիվիոյ մօտ Հայաստանի դիւանագիտական առաքելութիւնը կ’իրականացուի Պրազիլի մօտ ՀՀ դեսպանութեան միջոցով: Ըստ ՀՀ Արտաքին գործոց նախարարութեան տեղեկատուական տուեալներուն՝ 2021թ. Յուլիսէն Պրազիլի Դաշնային Հանրապետութեան մօտ Հայաստանի Հանրապետութեան դեսպանութիւնը համատեղութեան կարգով կը հաւատարմագրուի նաեւ Պոլիվիոյ Բազմազգ Պետութեան մօտ (նստավայրը՝ ք. Պրազիլ): 2022թ. Փետրուարէն Պոլիվիոյ մէջ կը գործէ Հայաստանի պատուոյ հիւպատոսի գրասենեակը: Երկկողմ այցերու պատմութիւնը հարուստ չէ: 2018թ. Յուլիսին աշխատանքային այցով Պոլիվիա այցելած է ՀՀ Արտաքին գործոց նախարարի տեղակալ Աշոտ Յովակիմեան:

http://www.western-armenia.eu/news/Actualite/2014/Reconnaissance_du_Genocide_des_Armeniens_par_la_Bolivie-27.11.2014.htm

Leave a Reply