2022թ. Յուլիսի  27-ին տեղի ունեցաւ Արեւմտեան Հայաստանի Ազգային Ժողովի հերթական նիստը, որուն  կը մասնակցէին պատգամաւորներ աշխարհի տարբեր երկիրներէ: Նիստը կը վարէր ԱԺ նախագահ Նելլի Յարութիւնեան: Բացման խօսքէն ետք  տիկին Յարութիւնեան   համաձայն օրակարգին՝ խօսք տուաւ Արեւմտեան Հայաստանի Հանրապետութեան նախագահ Արմենակ Աբրահամեանին, որ ներկայացուց Միացեալ Ազգերու Կազմակերպութեան մէջ տեղի ունեցած Բնիկ ժողովուրդներու փորձագիտական յանձնաժողովի աշխատանքները եւ այդ յանձնաժողովին մասնակցած Արեւմտեան Հայաստանի Հանրապետութեան ներկայացուցչական խումբը, որ այս անգամ բաղկացած էր երեք հոգիէ: Պարոն Աբրահամեան  խօսեցաւ խումբի  աշխատանքներուն եւ յատկապէս իր ելոյթին ու այն մասին, որ Արեւմտեան Հայաստանի Հանրապետութիւնը ներկայացուցած իրաւաբանական փաթեթն արդէն տեղադրուած է Միացեալ Ազգերու Կազմակերպութեան կայքէջին: Այնուհետեւ ելոյթ ունեցաւ Արեւմտեան Հայաստանի Հանրապետութեան Արտաքին գործոց նախարար Լիտիա Մարկոսեան: Վերջինս ներկայացուց իր  ելոյթները եւ անդրադարձաւ  անոնց կարեւորութեան բնիկ ժողովուրդներու իրաւունքներուն համար: Աւարտին պարոն Աբրահամեան եւ տիկին Մարկոսեան պատասխանեցին պատգամաւորները յուզող շարք կը հարցերու:  Ինչպէս միշտ՝ նիստն աւարտեցաւ յաջորդ   նիստի օրակարգի ընդունմամբ:

Leave a Reply