Ռուբիկ Քոչարեան հիանալի նկարիչ է, որ կ’ապրի եւ կ’աշխատի ԱՄՆ-ի Գալիֆորնիա նահանգը։ Իր բեղմնաւոր աշխատանքային ճանապարհի ընթացքին ան ստեղծած է աւելի քան 1000 բացառիկ նկարներ իւղաներկով: Ռուբիկ Քոչարեան ծնած է Երեւան 1940 թուականին: Անոր ընտանիքը Սիպիր աքսորուած է 1946 թուականին ստալինեան ռեժիմին պատճառով։ Ռուբիկ իր հմտութիւններու եւ գիտելիքներու հիմքը ստացած է ռուս նկարիչ Իւան Փաւլովին մօտ ուսուցման ժամանակ: 1953 թուականին ընտանիքը Երեւան վերադառնալէ ետք Ռուբիկ ընդունուած է «Թերլեմեզեան» գեղարուեստի ուսումնարան, ուր ուսում ստացած է քանի մը նշանաւոր հայ նկարիչներէ: 1955 թուականին ընդունուած Է Մոսկուայի գեղարուեստի ուսումնարան։ Աւելի ուշ ան հնարաւորութիւն ունեցաւ Պուշկինի թանգարանին մէջ ուսումնասիրել հին վարպետները: 1959 թուականին Ռուբիկ վերադարձաւ Երեւան՝ աշխատելու համար առաջատար ազդեցիկ նկարիչներու հետ եւ Երեւանի պետական համալսարանէն ստանալու համար գեղարուեստի մագիստրոսի կոչում գրեթէ տասը տարի անց՝ 1968 թուականին։ Յետագայ տարիներուն Ռուբիկ մասնակցած է բազմաթիւ ցուցահանդէսներու Հայաստանի, ինչպէս նաեւ այլ երկիրներու մէջ:

Leave a Reply