«Արցախի ԱԳՆ-ը պիտի շարունակէ աշխատիլ յանուն Արցախի փրկութեան, եղբայրական երկիրներու եւ համահայկական եռամիասնութեան հետ կապերու ամրապնդման»․ ըսած է Արցախի Հանրապետութեան արտաքին գործոց նախարար Դաւիթ Բաբայեան։

 ԱԳՆ-ը Արցախի Հանրապետութեան պետական ​​կառավարման համակարգի առանցքային կառոյցներէն է։ Այն փորձութիւններով լի ճանապարհ անցած է, եւ պատմութեան իւրաքանչիւր հատուած իր առանձնայատկութիւնները, իր դժուարութիւնները ունէր, զորս ԱԳՆ-ը բաւական արդիւնաւէտ կերպով  յաղթահարած է։ Հիմա մենք եւս մեր պատմութեան բաւական բարդ հանգրուանին մէջ ենք, եւ կը շարունակենք պայքարիլ մեր երկրի ապագային համար։ ԱԳՆ-ի անձնակազմը հետաքրքրական է. կան ե՛ւ դիւանագիտական ​​ծառայութեան վեթերաններ, ե՛ւ երիտասարդներ, եւ բոլորը կապուած են ընդհանուր շահերու ու արժէքներով։ Մեր աւանդական նպատակներն անփոփոխ են։ Այն Արցախի Հանրապետութեան միջազգային ճանաչումն է, տարբեր երկիրներու եւ անոնց մարմիններու հետ կապերու զարգացումը, ատրպէյճանա-ղարաբաղեան հակամարտութեան կարգաւորումը, Արցախի աշխարհաքաղաքական ենթակայութեան պահպանումը, Հայաստան-Արցախ-Սփիւռք եռամիասնութեան յետագայ ամրապնդումը։