Ատրպէյճանական զինուժն անկանոն կրակահերթ բացած է Թաղավարդ եւ Կարմիր շուկայ համայնքներու ուղղութեամբ։

«Արցախփրէս»ի թղթակիցին հաղորդմամբ, այս մասին կը տեղեկացնեն Արցախի Հանրապետութեան ՆԳՆ ոստիկանութենէն, մանրամասնելով, որ ոստիկանութեան Մարտունիի շրջանային բաժինէն հաղորդած են, թէ ժամը 11:45-ի սահմաններուն, ատրպէյճանցիները մօտ 20 վայրկեան տեւողութեամբ` հրաձգային տարբեր զինատեսակներէ առատօրէն կրակ տեղացուցած են Թաղավարդ եւ Կարմիր շուկայ համայնքներու ուղղութեամբ։

Տուժածներ չկան: Իրաւապահ կառոյցներն այս պահուն ռուսական խաղաղապահ զօրակազմին հետ կ’իրականացնեն ստուգումներ։

Արեւմտեան Հայաստանը կը պահանջէ Ատրպէյճանէն դադրեցնել այս սանձարձակ պահուածքը, եւ հետեւիլ միջազգային իրաւունքի կանոններուն։ Որեւէ սադրանք, որ կ’իրականացուի ՀՀ իշխանութեան տարածքին եւ Արցախի սահմաններուն, Արեւմտեան Հայաստանը ուշի ուշով կը հետեւի եւ կ’արձանագրէ։

Leave a Reply