Արցախի Հանրապետութեան արտաքին գործոց նախարար Դաւիթ Բաբայեան յայտնած է, որ Արցախի ապագան կախուած է բացառապէս իրենցմէ, իրենց մօտեցումէն ու վերաբերմունքէն։

«Նոյն Ատրպէյճանի օրինակը վերցնենք, քանի քանի իրմէ մեծ ու հզօր երկիրներ շանթաժի  կ’ենթարկէ։ ԱՄՆ արտաքին քաղաքականութեան պատասխանատուն կը խօսի Մինսկի խումբին մասին, իսկ Ալիեւ կ’ըսէ, որ գոյութիւն չունի այդպիսի խումբ, որովհետեւ սկզբունքայնութիւնը կը պահպանեն, գիտեն իրենց տեղն ու դերը, գիտեն իրենց կարեւորութիւնը։ Այս աշխարհաքաղաքական փոթորկուն զարգացումներու ծիրին մէջ մենք պէտք է առաւել համախմբուած ըլլանք, կանգնինք ու պայքարինք մինչեւ վերջ, որովհետեւ սկզբունքայնութիւնը, մեր իմացութեան եւ նուիրուածութեան հետ մէկտեղ ամենամեծ զէնքն է, որ մենք ունինք»,- նշած է Բաբայեան։

Անդրադարձ կատարուած է նաեւ խնդրին վերաբերող այլ ուշագրաւ հարցերու։

Արեւմտեան Հայաստանը  կը հորդորէ Արցախին տէր կանգնիլ իր իրաւունքերուն, վեր հանել Ատրպէյճանի կատարած յանցագործութիւնները եւ գործի դնել միջազգային հանրութեան աջակցութիւնը: