Ռուսիոյ պաշտպանութեան նախարարութիւնը հաստատած է, որ ատրպէյճանական կողմը Թաղավարդի ուղղութեամբ խախտած է հրադադարի ռեժիմը։

Այս մասին նշուած է Ռուսիոյ պաշտպանութեան նախարարութեան Յուլիս 29-ի տեղեկագիրին մէջ։

«Մէկ օրուան ընթացքին Թաղավարդի շրջանին մէջ արձանագրուած է հրադադարի ռեժիմի մէկ խախտում։ Ատրպէյճանի զինուած ուժերը հրաձգային զէնքէ կրակ բացած են Արցախի Հանրապետութեան «զինուած կազմաւորումներ»ու դիրքերուն ուղղութեամբ: Տուժածներ չկան։ Ռուսական խաղաղապահ զօրախումբի հրամանատարութեամբ, հայկական եւ ատրպէյճանական կողմերու ներկայացուցիչներու հետ փոխգործակցութեամբ, միջադէպը կարգաւորուած է»:

Leave a Reply