Կարսի նահանգապետարանը քաղաքացիները զգուշացուցած է, որ եղանակի տաքացման հետ կապուած հովացման նպատակով քաղաքի ոռոգման, ամբարտակներու, լիճերու, լճակներու ջուր մտնելը կրնայ յանգեցնել ջրահեղձման, բան մը, որ կրնայ յանգեցնել մարդկային կորուստներու։

Կարսի նահանգապետարանի գրաւոր հաղորդագրութեան մէջ նշուած է. «Հակառակ անոր, որ բնակելի տարածքին մէջ նշուած ջրային կառոյցներու հատուածներուն մէջ պէտք է առկայ ըլլար մետաղական ցանց, սակայն պարզուեցաւ, որ մետաղական ցանցը եւ նախազգուշացնող նշանները վերացուած են:

Ջրային կառոյցները պիտանի չեն լողալու համար, անոնք ունին բարձր հոսքի արագութիւն, եւ անոնք այնպիսի կառոյցներ են, ուր նոյնիսկ լաւ լողալ իմացող մարդիկ խեղդուելու վտանգ կ’ունենան: Մարդիկ  պէտք չէ մտնեն ոռոգման ուղիներ, ամբարտակներ, լիճեր, լճակներ եւ ջրատարներ՝ իրենց կեանքը պաշտպանելու եւ դժբախտ դէպքերը կանխելու համար»։

Արեւմտեան Հայաստանը կը հորդորէ մեր քաղաքացիները պահպանել զգօնութիւն եւ անվտանգութեան բոլոր կանոնները՝ դժբախտ պատահարներէ խուսափելու համար:

Leave a Reply