Մունզուրի քարանձաւները Տերսիմի ժողովուրդին համար սուրբ կը համարուին եւ բաղկացած են աւելի քան 20 աղբիւրներէ, որոնք հանգստեան օրերուն կը յեղեղուին այցելուներով։

Յատկապէս շատ այցելուներ կը գտնուին Հալպորի շրջակայքը, ուր կու գան տաք եղանակէն զովանալ ցանկացողները: Հալպորը իր սառնորակ ջուրերով ու բնական գեղեցկութեամբ յայտնուած է քաղաքացիներու ուշադրութեան կեդրոնը։

Միսքիսաղի շրջանը, որ կը գտնուի Տերսիմի եւ Օվաճիքի միջեւ եւ կը հիացնէ իր գեղեցկութեամբ, դարձած է հանգստացողներու սիրելի վայրը։ Միսքիսաղի տարածքին զբօսախնջոյքներ կազմակերպած ու ճամբար դրած քաղաքացիները հաճոյքով կը լողան հսկայ լեռներուն մէջէն հոսող Մունզուրի սառնորակ  ջուրերուն մէջ։ Զբօսաշրջութեան կազմակերպիչ Մահսում Թէյֆուր, որ ճամբար հիմնած է տարածաշրջանին մէջ հանգստեան օրերն այնտեղ անցնելու համար, ըսած է. «Մենք Թունճելի Հալպորի ծովածոցին մէջ ենք: Տարածաշրջանն այս շաբաթ շատ մարդաշատ է, ինչպէս ամէն շաբաթ եւ կիրակի օրերը: Տեղացի եւ օտարերկրեայ զբօսաշրջիկները, որոնք կը ցանկան ազատիլ ամրան տաքէն կու գան  այստեղ զովանալու: Մենք այսօր եկած ենք այստեղ ընկերներու հետ զուարճանալու համար: Արեւմտեան Հայաստանի մէջ մենք կը կազմակերպենք զբօսաշրջային շրջագայութիւններ դէպի տարածաշրջանի բոլոր նահանգները: Մեր քաղաքացիները շրջայցով բերած ենք այստեղ։ հաճելի եւ յուզիչ ժամանակ անցնելու համար:

Այնուհետեւ Օվաճըք թաղամասի Մունզուրի ծովածոցեր գացած քաղաքացիները չեն կրցած թաքցնել իրենց զարմանքը տեսած տեսարանէն։ Այցելուները հնարաւորութիւն ունեցան խմելու գետնին տակէն դուրս եկող ջուրերը, շրջելու տարածաշրջանին մէջ եւ բազմաթիւ լուսանկարներ ունենալու։

Leave a Reply