Թէպէտ Մովսէսաշէնի վաղ շրջանի անուան հետ կապուած գրաւոր յիշատակութուններ չեն պահպանուած, պատմագիտական աղբիւրներու վկայութեամբ, բնակատեղին, ինչպէս Շալվա գետի աւազանի այլ բնակավայրերը, միջնադարուն եղած է հայաբնակ։

Մակար եպիսկոպոս Բարխուդարեանցի յիշատակմամբ՝ գետաւազանի գիւղերուն մէջ, որոնց թուին էին եւ յիշեալ Մովսէսաշէնի մէջ մեծաթիւ էին հայկական հնութեան հետքերը, կիսաւեր, աւերուած եւ կանգուն տաճարները, եկեղեցիները, մատուռները եւ հանգստարանները։

Խորհրդային շրջանին՝ Արցախը Խորհրդային Ատրպէյճանին բռնակցելէ ետք, Ատրպէյճանի իշխանութիւնները Մովսէսաշէնը դուրս թողած են Լեռնային Ղարաբաղի Ինքնավար Մարզի կազմէն:

Գիւղն ազատագրուած է 1991-1994թթ. Արցախեան պատերազմի ժամանակ՝ 1993թ․ Ապրիլին։ Վերաբնակեցուած է 1996 թուականէն։

2020թ. Արցախեան երրորդ պատերազմին հետեւանքով Մովսէսաշէնը հայաթափուած եւ բռնազաւթուած է Ատրպէյճանի Հանրապետութեան զինուած ուժերու կողմէ։