Անցեալ շաբաթ Թուրքիոյ կառավարութիւնը դիմեց ահաբեկելու իր սովորական մարտավարութեան, ստիպելով ՄԱԿ-ի բարձրաստիճան պաշտօնեային ջնջել Հայերու ցեղասպանութեան վերաբերեալ իր թուիթըրեան գրառումը:

Յուլիսի 27-ին Միացեալ ազգերու կազմակերպութեան Գլխաւոր համախմբման նախագահ Ապտուլլա Շահիտ թուիթըրեան գրառում հրապարակած է չորս լուսանկարներով, ուր ան պատկերուած է Երեւանի մէջ Հայերու ցեղասպանութեան յուշահամալիրին մէջ ծաղկեպսակ տեղադրելու ժամանակ։ Ան իր գրառման մէջ նշած է. «Ծաղկեպսակ տեղադրեցի Հայերու ցեղասպանութեան զոհերու յուշահամալիրին։ Յատուկ շնորհակալութիւն թանգարանի տնօրէն Յարութիւն Մարութեանին եւ Յասմիկ Մարտիրոսեանին թանգարանին մէջ շրջայցին համար»։ Շահիտի այցէն եւ գրառումէն կարճ ժամանակ անց Թուրքիոյ արտաքին գործոց նախարարութիւնը պաշտօնական յայտարարութիւն տարածեց, դատապարտելով զինք Հայերու դէմ իրագործուած ցեղասպանութեան յուշահամալիր այցելելուն համար: Շահիտ, որ նաեւ Մալտիւեան Հանրապետութեան արտաքին գործոց նախարարն է, անմիջապէս ջնջած է Հայերու ցեղասպանութեան յուշահամալիր այցելութեան մասին իր գրառումը, ենթարկուելով թրքական ճնշումներուն։ 

Արեւմտեան Հայաստանը այս գրառումը շատ կարեւոր  գնահատած էր, հաշուի առնելով տուեալ աշխարհաքաղաքական իրադրութիւնները, սակայն այս նիւթի ջնջումը մեծ հիասթափութիւն առաջացուցած է։ Անկախ անկէ թէ ինչպէս պիտի արձագանգէր Թուրքիա, պէտք է այդ հրապարակումը մնար, քանի որ այն փաստարկուած գրառում էր։

Leave a Reply