Արեւմտեան Հայաստանի ներկայիս Սեբաստիա (Սիւաս) նահանգին գ մէջ գտնուող նախկին հայաբնակ Աղըլ գիւղը հիմա ամբողջովին լքուած ու աւերակուած վիճակ ունի: Կը նշուի, որ հայերն ու յոյներն այստեղ գլխաւորաբար բնակած են նախքան Թուրքիոյ Հանրապետութեան հիմնադրումը (1923թ.): 1980-ականներուն տեղի ունեցած ներքին հրահրումներու հետեւանքով գիւղն ամբողջովին կը դատարկուի, որմէ ետք ալ պարբերաբար կը յայտնուի գանձագողերու թիրախը: Յոյս ունենալով, որ հայերէն մնացած գանձեր կամ թանկարժէք իրեր պիտի գտնեն, գանձ որոնողները շարունակաբար կը քանդեն եւ  կը վնասեն տեղացիներու շրջանին մէջ նաեւ «խորհրդաւոր գիւղ» անուանուող Աղըլի տուները: Գանձագողերէն բացի գիւղի աւերակները երբեմն կը յայտնուին նաեւ լքուած բնակավայրերով հետաքրքրուողներու եւ լուսանկարիչներու ուշադրութեան կեդրոնը:

«Համացանցի մէջ լքուած գիւղերն ուսումնասիրելու ժամանակ յայտնաբերեցի, որ Սիւասի մէջ այսպիսի տեղ կայ: Տեսայ, որ կեդրոնն ալ (Սիւաս քաղաք) շատ մօտիկ է, Քարայում եւ Հաճի Ալի գիւղերուն միջեւ ինկած բարձունքին վրայ է»,-թրքական լրատուամիջոցին պատմած է լուսանկարիչ Կէօքհան Քարօղլու: