Մարդու իրաւունքներու նախկին պաշտպան Արման Թաթոյեան գրած է.

Ատրպէյճանի այս թշնամական յարձակումներն Արցախի նկատմամբ եւ Արցախը Հայաստանին կապող ճանապարհը փակելու պահանջը կոպիտ կերպով կը խախտեն 2020թ. Նոյեմբերի 9-ի եռակողմ յայտարարութիւնը՝ ժամկէտին (3 տարի), նոր ճանապարհի կառուցման, այդ ճանապարհի նախագիծի փոխադարձ համաձայնեցման, ճանապարհն աւարտելու տեսանկիւններէն: Ի՞նչ խաղաղութեան (անգամ մտադրութեան) կամ ի՞նչ իրաւունքներու մասին է խօսքն այնպիսի պետութեան պարագային, որ կը վարէ հայատեացութեան քաղաքականութիւն: Այդ բացայայտ ուղղուած է ոչ միայն արցախահայութեան` Արցախի բնիկ ժողովուրդին, այլ նաեւ Հայաստանին դէմ: Ատրպէյճանական յանցանքները, այդ թուին` կապուած այսօր հայ զինծառայողի սպանութեան եւ շարք մը զինծառայողներու առողջութեան վնաս պատճառելուն հետ, այդ ամէնուն ուղիղ ապացոյցն են: Ես կը շարունակեմ պնդել, որ մենք պէտք չէ թոյլ տանք, որ մեզ թմրեցնեն կեղծ խաղաղասիրութեամբ։ Այո´, խաղաղութիւնը բարձրագոյն արժէք է, բոլորս ալ խաղաղութիւն կ’ուզենք, բայց խաղաղութիւն չ’ըլլար միայն մեր Հայրենիքի ու մեր գոյութեան հաշուին, մեր իրաւունքներու եւ արժանապատւութեան, այն ալ շարունակական ոտնահարմամբ։ 

Leave a Reply