ԱՄՆ պետքարտուղարութիւնը յայտարարութիւն տարածած է Արցախի  հակամարտութեան գօտիի լարուածութեան աճին եւ մարդկային կորուստներով ուղեկցուող ռազմական բախումներուն կապակցութեամբ: Յայտարարութեան մէջ, մասնաւորապէս, նշուած է. «Միացեալ Նահանգները խորապէս մտահոգուած է եւ ուշադրութեամբ կը հետեւի Արցախի (Լեռնային Ղարաբաղի) շուրջ ընթացող թէժ, զոհերու եւ մարդկային կորուստներու մասին հաղորդումներով ուղեկցուած ռազմական գործողութիւններուն: Մենք կոչ կ’ուղղենք անյապաղ քայլեր ձեռնարկել լարուածութիւնը նուազեցնելու եւ յետագայ սրացումէն խուսափելու համար։ Լարուածութեան վերջին աճը կ’ընդգծէ Արցախի (Լեռնային Ղարաբաղի) հակամարտութեան հետ կապուած կամ անկէ բխող միւս հարցերու բանակցային, համապարփակ եւ կայուն կարգաւորման անհրաժեշտութիւնը»,- ըսուած է պետքարտուղարութեան յայտարարութեան մէջ:

Leave a Reply