Արեւմտեան Հայաստանի Տիգրանակերտ քաղաքի պատմական պարիսպներու վերականգնողական աշխատանքներու ժամանակ յայտնաբերուած 1700-ամեայ թակոյկը (սափորներու տեսակ) Տիգրանակերտի քաղաքապետարանի կողմէն փոխանցուած է քաղաքային թանգարանին, որ կը շարունակէ «Յարութիւն պատերու մէջ» կարգախօսով սկսած վերականգնման աշխատանքները։

Տիգրանակերտի թանգարանի տնօրինութեան կողմէ իրականացուած հնագիտական ​​պեղումներու ընթացքին յայտնաբերուած է 1700 տարուան հնութեան թակոյկը, որ կը թուագրուի Ք.Ե. 330 թուականին՝ կախուած անոր պատրաստման եղանակէն եւ անոր վրայ եղած նախշերէն։

Յայտնաբերումէն ետք այն մանրակրկիտ կերպով  բացուած էր հնագէտներու կողմէ եւ փոխանցուած թանգարանի տնօրինութեան։ 

Արեւմտեան Հայաստանը յոյս կը յայտնէ, որ թրքական այդ հնագիտական խումբը պիտի տայ իրական տեղեկատւութիւն սափորի ծագման մասին, իհարկէ հաստատելով անոր հայկական մշակոյթին պատկանելու փաստը։ քանի որ տակաւին հնագոյն դարերէն հայերն ապրած են իրենց այդ բնիկ տարածքներուն մէջ եւ իրերը, որոնք կրնան ունենալ նման վաղեմութիւն, կրնան միայն հայկական ըլլալ կամ ազդուած հայկական մշակոյթով։

Leave a Reply