Արցախի Հանրապետութեան տարածքային կառավարման եւ ենթակառուցուածքներու նախարարութիւնը հաղորդագրութիւն տարածած է, ըստ որուն  Օգոստոսի 5-ին նախարար Հայկ Խանումեան քաղաքացիական պաշտպանութեան նախագիծին համաձայն, Քաշաթաղի շրջանի իշխանութեան ներկայացուցիչներուն  եւ տեղի բնակչութեան հետ քննարկած է յառաջիկայ տարհանման հարցերը:

Հաղորդագրութեան մէջ նշուած է. «Քաշաթաղի շրջանի Աղաւնոյ գիւղին մէջ ԱՀ տարածքային կառավարման եւ ենթակառուցուածքներու նախարար Հայկ Խանումեան տեղի բնակչութեան, համայնքի եւ շրջանի իշխանութեան ներկայացուցիչներուն հետ միասին քննարկած է Աղաւնոյի, Ներքին Սուսի եւ Բերձորի բնակչութեան՝ մինչեւ սոյն թուականի Օգոստոսի 25-ը տարհանման հարցերը` համաձայն քաղաքացիական պաշտպանութեան նախագիծին»։