Ստեփանակերտի Վերածնունդի հրապարակին մէջ  հասարակական եւ ընդդիմադիր ուժերու խումբ մը ներկայացուցիչներ բողոքի ցոյց իրականացուցած են՝ 2020թ․ Նոյեմբերի 9-ի եռակողմ յայտարարութեան պայմաններու կատարման եւ Արցախի ժողովուրդի անվտանգութիւնը պատշաճ մակարդակով ապահովելու պահանջով: Ցոյցի կազմակերպիչներէն, Արցախի Յեղափոխական կուսակցութեան նախագահ Արթուր Օսիպեան «Արցախփրէս»ի թղթակիցին հետ զրոյցի ժամանակ տեղեկացուցած է, որ նախօրէին՝ վերջին օրերու լարուածութեան հարցով հանդիպում ունեցած են ռուսական խաղաղապահ զօրախումբի հրամանատար, գեներալ-մայոր Անտրէյ Վոլկովի հետ:

«Մենք պահանջած ենք, որ ըստ անհրաժեշտութեան՝ պէտք է յստակ քայլեր ձեռնարկուին, որովհետեւ Ռուսիա պաշտօնապէս ստանձնած է Արցախի ժողովուրդի անվտանգութեան ապահովման պատասխանատւութիւնը: Խաղաղ բնակչութիւնը ճիշդ այդ տրուած երաշխիքներու հիման վրայ  վերադարձած է:

Ատրպյճանա-թրքական ահաբեկչական մեքենան մենք միայնակ չենք կրնար դիմադրել. կը պահանջենք քաղաքական որոշումներ, որոնք պէտք է կայացնեն աշխարհի գերտերութիւնները, յանձինս՝ Ռուսիոյ, որ ստանձնած է տարածաշրջանի խաղաղութեան երաշխաւորի դերը»,- ըսած է Ա.Օսիպեան: