Վանի մէջ գտնուող Այանիս ամրոցի պեղումներուն ժամանակ յայտնաբերուած են կարեւոր տեղեկութիւններ Ուրարտական ժամանակաշրջանին մասին՝ իր զարդարանքներով, ճարտարապետական ​​կառուցուածքով, որոնք լոյս կը սփռեն պատմութեան վրայ։

Ուրարտական Ռուսա Բ. արքային կողմէ Վանայ լիճին նայող բլուրին վրայ հիմնուած Այանիս ամրոցը կարեւոր տեղեկութիւններ կու տայ Ուրարտուի ժամանակաշրջանին մասին՝ իր զարդարուեստով, ճարտարապետական ​​կառուցուածքով եւ աւերակներով։

Արդէն 30 տարի պեղումներ կ’իրականացուին 2700 տարուան վաղեմութիւն ունեցող Այանիսի ամրոցին մէջ։ Այանիսի ամրոցը շատ կարեւոր տեղ կը զբաղեցնէ ուրարտական ​​ամրոցներու շարքին մէջ եւ մինչեւ օրս շատ լաւ պահպանուած է։ Ամրոցը կառուցուած է  վայրի մը մէջ, ուրկէ կը բացուի իւրայատուկ տեսարան դէպի Սիփան լեռ եւ Վանայ լիճ։