Շախմատի համաշխարհային 44-րդ ոլիմպիադին Հայաստանի տղամարդոց հաւաքականը 3։1 արդիւնքով յաղթեց Ատրպէյճանի հաւաքականին։

Մեր հաւաքականէն Գաբրիէլ Սարգսեան սեւ խաղաքարերով յաղթեց Շահրիյար Մամէտեարովին, Ռոպերթ Յովհաննիսեան սպիտակներով յաղթեց Նիճատ Ապասովին: Խաղերը հաւասար արդիւնքով աւարտեցին Հրանդ Մելքումեան – Հատիր Հուսէյնով, Մանուէլ Պետրոսեան – Վասիֆ Տուրապայլի զոյգերը։

Յիշեցնենք, որ Հայաստանի հաւաքականը նախորդ մրցաշարերուն յաղթած էր Մատակասքարին, Անտորրային, Եգիպտոսին, Աւստրիային, Անգլիային, Հնդկաստանի երկրորդ հաւաքականին, հաւասար արդիւնքով խաղացած էր ԱՄ Նահանգներուն հետ, պարտուած` Ուզպէքիստանի հաւաքականին դիմաց:

Ոլիմպիադին պիտի կայանայ 11 մրցաշար, Հնդկաստանի մէջ տեղի ունեցող  մրցաշարը պիտի աւարտի Օգոստոսի 10-ին։