Օգոստոսի 8-ին, Նինոծմինտայի երիտասարդական կրթամշակութային կեդրոնի եւ Ծալկայի Դարագիւղի մէջ տեղի ունեցաւ «Ջաւախք» ճամբարի բացումը։ Նինոծմինտայի 150-է աւելի եւ Դարագիւղի 145 երեխայի ամառնային արձակուրդի 6 օրը ամերիկահայ երիտասարդ ջոկատավարները պիտի ապահովեն երգ ու պարով, տարբեր խաղերով եւ ուրախ տրամադրութեամբ։

Բացման արարողութեան մեկնարկը տրուեցաւ Նինոծմինտայի մէջ Տէր Արմաշ քահանայ Պօղոսեանի գլխաւորութեամբ՝ Տէրունական աղօթքով, իսկ Դարագիւղի մէջ՝ Տէր Ղեւոնդ քահանայ Թազեանի աղօթքով, այնուհետեւ Հայաստանի եւ Վրաստանի օրհներգներու ներքոյ տրուեցաւ «Ջաւախք» ճամբարի մեկնարկը: Դարագիւղի մէջ երիտասարդները գիւղի մուտքին մօտ մեծ շուքով դիմաւորեցին Ամերիկայէն ժամանած խմբավարները։

«Ջաւախք» ճամբարին կը մասնակցին երեխաներ՝  քաղաքէն, շրջանի տարբեր գիւղերէն,  ինչպէս նաեւ՝ Ռուսիայէն ու Հայաստանէն գիւղ եկած երեխաները: