Ջիլօ լեռը 4135 մեթր բարձրութեամբ եւ վեց գագաթներով Արեւմտեան Հայաստանի երկրորդ ամենամեծ գագաթն է՝ Արարատէն ետք: Այստեղ տարուէ տարի սառցադաշտերն աւելի ու աւելի կը փոքրանան՝ համաշխարհային տաքացման հետեւանքով։ Սառցադաշտերուն վրայ աշխատող գիտնականները պարզած են, որ վերջին 35 տարուան ընթացքին  հալած է անոնց 48 տոկոսը: Որոշ աղբիւրներ կը նշեն, որ սառցադաշտերը 20 հազար տարուայ պատմութիւն ունին, որոշ փորձագէտներ ալ կ’ենթադրեն, որ անոնք մեզի հասած են սառոյցէ դարաշրջանէն։

Ջիլոյի՝ 550հա տարածքով սառցադաշտերը ամենամեծ ցամաքային  սառցադաշտերն են, որոնք տակաւին կը պահպանեն Արեւմտեան Հայաստանի ամբողջականութիւնը, հակառակ անոր, որ կը հալին։ Ցաւօք, հալոցքը պիտի շարունակուի, քանի որ ջերմաստիճանը պիտի շարունակէ աճիլ ստորգետնեայ վառելիքի եւ ածխածինի արտանետումներուն պատճառով:

Սառցադաշտերը կը հանդիսանան որպէս պաշտպանիչ ծածկոյթ Երկրի եւ ովկիանոսներուն վրայ: Այս փայլուն, սպիտակաշերտ  տարածքները աւելորդ ջերմութիւնը կ’անդրադարձնեն  դէպի տիեզերք եւ մոլորակը աւելի զով կը պահեն: