Ատրպէյճանական վերջին յարձակումներուն անդրադարձած են ԱՄՆ Սենատի ռազմական ծառայութեան եւ արտաքին յարաբերութիւններու յանձնաժողովներու նախագահները եւ մէկ տասնեակի հասնող սենատորներ։

Մասնաւորապէս, Սենատի ռազմական ծառայութեան յանձնաժողովի նախագահ Ժագ Ռիտ թուիթըրեան գրառմամբ դատապարտելի համարած է Ատրպյէճանի զինուժի գործողութիւնները, իսկ Սենատի արտաքին յարաբերութիւններու յանձնաժողովի նախագահ Ռոպերթ Մենենտէս օրեր առաջ անդրադարձած էր ատրպէյճանական գործողութիւններուն՝ պնդելով, որ ատրպէյճանական  ուժերը պէտք է դուրս բերուին Արցախի շրջաններէն ու կասեցուին անոնց վայրագութիւններն ընդդէմ Արցախի ժողովուրդին։ Ատրպէյճանական գործողութիւնները դատապարտած են նաեւ Սենատի արտաքին յարաբերութիւններու յանձնաժողովի հանրապետական անդամ Մարքօ Ռուպիօ, Քոնկրէսի հայկական հարցերով խումբի համանախագահներ Ֆրանք Փալոն եւ Ժագի Սփիըր, Ներկայացուցիչներու տան հետախուզութեան յանձնաժոովի նախագահ Ատամ Շիֆ, քոնկրէսականներ Քեթրին Քլարք, Աննա Էշօ, Ռաճա Քրիսնամըրֆի, Պրենտա Լորենս, Լինտա Սանչէս, Եան Շաքովսկի, Պրէտ Շերման եւ Լորի Թրահան։  

Արեւմտեան Հայաստանը եւս կը դատապարտէ Ատրպէյճանի կողմէ կատարուող ռազմական յանցագործութիւնները եւ վերջին օրերու յարձակումները, կոչ ուղղելով յարգել բնիկներու իրաւունքները։