Վարչապետ Նիկոլ Փաշինեան հեռախօսազրոյց ունեցած է Իրանի Իսլամական Հանրապետութեան նախագահ Սէյէտ Էպրահիմ Ռայիսիի հետ։ Զրուցակիցները քննարկած են տարածաշրջանային զարգացումներուն եւ անվտանգային մարտահրաւէրներուն վերաբերող հարցեր։ ՀՀ վարչապետն Իրանի նախագահին մանրամասներ ներկայացուցած է Հայաստանի եւ Ատրպէյճանի միջեւ սահմանային վերջին դէպքերուն վերաբերեալ։ Տարածաշրջանին մէջ կայունութեան եւ խաղաղութեան հաստատման ծիրին մէջ Նիկոլ Փաշինեան ընդգծած է 2020 թուականի Նոյեմբերի 9-ի, 2021 թուականի Յունուարի 11-ի եւ Նոյեմբերի 26-ի եռակողմ պայմանաւորուածութիւններու լիարժէք իրականացման կարեւորութիւնը: Իրանի նախագահը, անդրադառնալով վերջին օրերուն Հարաւային Կովկասի մէջ տեղի ունեցող լարուած իրավիճակին, յիշատակած է Իսլամական յեղափոխութեան գերագոյն առաջնորդ Այաթոլլա Խամենէիի՝ վերջերս Ռուսիոյ եւ Թուրքիոյ նախագահներուն հետ հանդիպման ժամանակ կատարուած յայտարարութիւնը առ այն, որ Իրան զգայուն է Կովկասեան տարածաշրջանին մէջ իր սահմաններու հարցին մէջ եւ պիտի հակազդէ անոնք փոփոխելու որեւէ փորձի: