«Գեղարդ» երգեցիկ խումբը օրերս վերադարձած է Զալսպուրկի հեղինակաւոր փառատօնէն։ «Գեղարդ» ելոյթ ունեցած է «Հոգեւոր նախերգանք» խորագիրը կրող համերգաշարին, ներկայացուցած Կոմիտասի ստեղծագործութիւնները, միջնադարեան մեներգներ, հայ ժամանակակից երգահաններու հոգեւոր ստեղծագործութիւններ։ Խումբի գեղարուեստական ղեկավար, արուեստագիտութեան դոկտոր, փրոֆ. Մհեր Նաւոյեան «Արմէնփրէս»ի հետ զրոյցի ժամանակ նշած է, որ իրենք արդէն երկրորդ անգամն է, որ կը  մասնակցին այս փառատօնին: 

«Այս կը համարուի դասական երաժշտութեան արուեստի ամէնէն հեղինակաւոր փառատօններէն մէկը։ Եթէ չեմ սխալիր, մենք առաջին հայկական խումբն ենք, որ կը մասնակցի այս փառատօնին։ Փառատօնի երկրորդ հատուածին հնչեց Տիգրան Մանսուրեանի «Ռեքուիէմ»ը, երրորդը նուիրուած էր Կոմիտասին»,- նշած է Նաւոյեան։

Համերգը եզրափակուած է երիտասարդ երգահան Վահրամ Սարգսեանի «Լոյս Զուարթ» ստեղծագործութեամբ։