Փաշինեանի հետ հեռախօսազրոյցի ժամանակ Իրանի նախագահ Ռայիսի յիշել տուած է, որ Թեհրանի մէջ Իրանի հոգեւոր առաջնորդ Խամենէի զգուշացուցած է Փութինն ու Էրտողանը  Հայաստանի հետ սահմանի փոփոխութեան անթուլատրելիութեան մասին:

Պահ մը Իրան տեղեկութիւններ ունեցած է ռազմական ճանապարհով Հայաստանը հարաւին կցելու վերաբերեալ ու զօրքեր կեդրոնացուցած է սահմանին։ 

Իրանի դիրքորոշումը Հայաստանի հարցին մէջ կարեւոր է մէկ այլ տեսակէտէ՝ Հայաստանի աշխարհաքաղաքական դերին, նշանակութեան եւ իրաւունքներուն։  Եթէ մեզմէ ոչինչ կախուած է, մենք ոչ մէկուն պէտք ենք, ի՞նչ գործ ունինք այս տարածաշրջանին մէջ ու ինչո՞ւ դեռ կայ հայկական պետականութիւնը, որուն վրայ յարձակած են «փրկիչն ու դահիճը»։ Ինչո՞ւ ռուս-թրքական 100-ամեայ անդուլ ջանքերէ ետք ալ անոնց ճակատագիրը դեռ կախուած է Երեւանի մէկ ու միակ ստորագրութենէն։

Իրանի հետեւողական ու բաց   յայտարարութիւնները կը զգուշացեն նախ եւ առաջ Հայաստանը․ Հայաստանի իրական դերին ու նշանակութեան եւ հայերու պատկերացումներու ողբերգական խզուածութիւնը առաւել քան ողբերգական հետեւանքներ պիտի ունենայ։

«ԵՄ-ը անհամբեր կը սպասէ Հայաստանի հետ առաւել սերտ համագործակցութեան ՝ ի շահ մեր ընդհանուր շահերուն եւ ի շահ մեր հասարակութիւններուն ու քաղաքացիներուն»,- ըսուած է մամլոյ հաղորդագրութեան մէջ։