«Sensor» երաժշտութեան եւ ժամանակակից արուեստի միջազգային փառատօնը տեղի պիտի ունենայ Սեպտեմբերի 10-էն 12-ը Հայաստանի մէջ` Օրգովի մէջ գտնուող Պարիս Հերունիի աստղադիտարանի տարածքին։ 

Միջոցառման չորս երաժշտական բեմերուն վրայ պիտի հիւրընկալուին աշխարհի տարբեր երկիրներէ ժամանած աւելի քան 80 արուեստագէտներ:

Փառատօնը կը նախատեսէ արուեստի ծաւալուն ծրագիր, որուն կը մասնակցին աշխարհահռչակ մետիա արուեստագէտներ։ Աստղադիտարանի կեդրոնական մարմինը 54 մեթրանոց ռատիօ-տեսողական աստղադիտակն է՝ միջոցառման խորհրդանիշը եւ լազերային մետիա հարթակը։

«Sensor»ը լիարժէք եռօրեայ փառատօն է: Կը կազմակերպուի ճամբար, ուր հիւրերը կրնան տեղադրել իրենց սեփական վրանը կամ վարձել արդէն տեղադրուածը: