Արցախի արտաքին գործոց նախարար Դաւիթ Բաբայեան՝ անդրադառնալով Ալիեւի վերջին յայտարարութեան, գրած է․«Արպէյճանի նախագահ Իլհամ Ալիեւ երէկ իր հարցազրոյցին մէջ ըսած է, որ Ատրպէյճանի կազմին մէջ Արցախ ապրող հայերը պիտի չունենան ո՛չ կարգավիճակ, ո՛չ անկախութիւն, ո՛չ ալ յատուկ արտօնութիւններ։ Լաւ, ի՞նչ կարելի է ըսել այստեղ։ Մանրամասներուն մէջ խորանալու իմաստ չկայ։ Միայն ըսեմ հետեւեալը: Նախ կ’ուզեմ շնորհակալութիւն յայտնել Ալիեւին անկեղծութեան համար։ Իրօք, ո՛չ Ատրպէյճան, ո՛չ ալ անոր ղեկավարութիւնը երբեք չեն թաքցուցած Արցախի վերաբերեալ իրենց ծրագիրները: Երկրորդը, իսկապէս, Արցախը Ատրպէյճանի կազմին մէջ ոչինչ պիտի ունենայ, քանի որ ինք Արցախ պիտի չըլլայ։ Բացի անկէ, Արցախի համար Ատրպէյճանի կազմին մէջ որեւէ կարգավիճակ անընդունելի է։ Ինչպէ՞ս կրնային հրեաները գոնէ ինչ-որ վարչական-տարածքային կարգավիճակ ունենալ նացիստական Գերմանիոյ  մէջ»: