Օգոստոսի 14-ին, Սուրբ Աստուածածնայ Վերափոխման տօնին, Ամարասի վանական համալիրին մէջ Արցախի թեմի առաջնորդ Տէր Վրթանէս եպիսկոպոս Աբրահամեանի ձեռամբ մատուցուած է տօնական Սուրբ եւ Անմահ պատարագ։

Պատարագէն ետք կատարուած է խաղողօրհնէքի կարգ։ Բերքի օրհնութիւնը կը խորհրդանշէ ողջ տարուան բերք ու բարիքի առատութիւնը։ Շրջանի համայնքները վանքի շրջակայքին պատրաստած էին տաղաւարներ՝ ցուցադրելով իրենց՝ այս տարուան բերքը։ Կազմակերպուած է ներկաներու  հիւրասիրութիւն, ինչպէս նաեւ ցուցադրութիւն- վաճառք։ Արեւմտեան Հայաստանը կը շնորհաւորէ հայութիւնը այս տօնին առթիւ: Մինչ Ցեղասպանութիւնը՝ Արեւմտեան Հայաստանի մէջ նոյնպէս մեծ շուքով կը նշուէր այս տօնը: