Քանոնահար Մարիաննա Գէորգեան եւս երկու միջազգային մրցանակի արժանացած  է։ Քանոնահարը Ֆրանսայի եւ Գերմանիոյ մէջ կայացած «ԵՈՒՆԷՍՔՕ»ի եւրոպական միութեան կողմէ կազմակերպուած միջազգային մրցոյթ-փառատօնին կրկնակի յաղթանակ է տարած՝ զբաղեցնելով առաջին հորիզոնականները՝ գործիքային կատարողական արուեստ անուանակարգերուն մէջ։

Միջազգային բազմաթիւ մրցոյթներու դափնեկիր Մարիաննա Գէորգեան վերջերս դարձած էր «Global Cultural Initiative World Folk Vision» համաշխարհային մրցոյթ-փառատօնի գլխաւոր մրցանակակիր՝ «Աշխարհի ժողովուրդներու երաժշտութիւն» անուանակարգին  մէջ, ուր ներկայացուցած է ազգային նուագարան քանոնը։

Տաղանդաւոր հայուհին 115 երկրի 3950 մասնակցներու մէջ արժանացած է գլխաւոր «Կրան-փրի» մրցանակին։ Բացի անկէ, մրցանակներու արժանացած է Հնդկաստանի մէջ կազմակերպուած միջազգային մրցոյթին՝ ճանչցուելով առաջին կարգի դափնեկիր ու ստանալով «Բեմական հմայք» եւ «Երաժշտութեան դեսպան» յատուկ մրցանակներ։

Արեւմտեան Հայաստանը կը շնորհաւորէ քանոնահարը այս պարտաւորեցնող աշխատանքին ու յաղթանակին համար, մաղթելով նորանոր յաջողութիւններ եւ վերելքներ։