Երբեմնի բնակավայր Աբլարը այսօր ոչ միայն Ախալքալաքի եւ յարակից գիւղերուն համար ջրամատակարարման աղբիւր է, այլ նաեւ հանգստավայր ու ուխտատեղի։ 

Աբլարը կը գտնուի Ախալքալաքի շրջանի Կուլիկամ գիւղէն ոչ շատ հեռու։ Տեղացիները պատմելով տարածքին մասին առաջնայինը կը շեշտեն ջրառատութիւնը եւ այն փաստը, որ անցեալին Կուլիկամի մէջ Աբլարի աղբիւրներու ջուրով 17 ջրաղաց գործած է, որոնցմէ այսօր մնացած է մեէկը։

Ամրան այստեղ միշտ աշխոյժ է: Մարդիկ կու գան հանգստանալու, մոմ վառելու եւ Աբլարի պաղ ջուրը խմելու: Անցեալին Աբլարը յայտնի եղած է նաեւ կարմրախայտ ձկնատեսակով եւ մարդիկ յատուկ ձուկ բռնելու համար կ’երթային այնտեղ:

Այցելուներուն համար ուշագրաւ են նաեւ Սուրբ Ելենա կիսաւեր եկեղեցին եւ քիչ հեռաւորութեան վրայ գտնուող «Եօթ եղբայր» կոչուող խաչքարերը, որոնք միայն վերջերս յայտնուեցան ծածկի տակ։

Աբլարը այցելուները կը գրաւէ ոչ միայն ամրան ամիսներուն, այլ նաեւ ձմրան, յատկապէս արկածախնդիր եւ աշխոյժ հանգիստ նախընտրողներուն։