Արեւմտեան Հայաստանի մէջ սոտայով հարուստ ամենամեծ  Վանայ  լիճին  մէջ մեկնարկած են յատակի մաքրման աշխատանքները։ Աշխատանքի ծիրին մէջ  պիտի մաքրուի գաւառի ափամերձ շրջանի մօտաւորապէս 8 քմ երկարութեամբ յատակը: Նախագիծը, որ մեկնարկած է 30 մեքենաներով, նախատեսուած է   աւարտին հասցնել հնարաւորինս շուտ։ Վանայ լիճի մաքրման գործողութիւններու ծրագիրով արդէն 3 տարի կը շարունակուին լիճի մաքրման աշխատանքները։

Գործողութիւններու այս ծրագիրին շնորհիւ առաջին հանգրուանին  բացայայտուած են Վանայ լիճն աղտոտող հանգամանքները։ Այն վայրերուն մէջ, ուր մաքրման կայան չկայ, սկսած է անոնց կառուցումը։ Յաջորդ  հանգրուանը Վանայ լիճի յատակի մաքրման աշխատանքներն էին։

Անցեալ տարի ՆԱՍԱ-ի կողմէ կազմակերպուած լուսանկարչական մրցոյթին Վանայ լիճն աշխարհի մէջ առաջինն էր իր կապոյտ գոյնով եւ գեղեցկութեամբ։ Առաւել կապոյտ Վանայ լիճին համար մաքրման աշխատանքները հնարաւորինս շուտ աւարտին պիտի հասցուին:

Արեւմտեան Հայաստանի կապուտաչեայ գեղեցկուհին՝ Վանայ լիճը իր գեղեցկութեամբ կրկին պիտի փայլի մաքրման աշխատանքներէն ետք։ Միեւնոյն ժամանակ ցաւալի է,  որ բռնազաւթուած տարածքներուն մէջ նման աշխատանքները շատ սակաւաթիւ են, որուն պատճառով բնապահպանական լուրջ խնդիրներ կը գրանցուին։