Այսօր, երբ մեր հայրենակիցները կրկին իրենց տուներ կը կորսնցնեն, նոր հայկական տարածքներ կը հայաթափուին, մենք կրնանք կանգնիլ այդ մարդոց կողքը եւ ցոյց տալ իրենց ու ամբողջ աշխարհին, որ հայկական մշակոյթը կ’ապրի այստեղ ու միշտ պիտի ապրի։ Արմէն Նիազեան, որպէս հայ ստեղծագործող եւ «Միասին Աղաւնոյի մէջ» փառատօնի կամաւորական խումբի անդամ արդէն քանի մը օր է, որ Աղաւնոյ է, ուր հսկայական գործ կատարած է շատ կարճ ժամանակուան մէջ, որպէսզի կազմակերպուի այս միջոցառումը։ «Միասին Աղաւնոյի մէջ» փառատօնը մեր հողին հրաժեշտի խօսք չէ, այլ խոստում, որ հայկական երգն ու պարը կրկին շուտով պիտի վերադառնան այստեղ։

Արեւմտեան Հայաստանը իր մտահոգութիւն կը յայտնէ հայաթափութեան հերթական դէպքին առիթով։ Հայը պէտք է շարունակէ ապրիլ իր բնիկ տարածքներուն մէջ, անկախ բռնազաւթիչներու կամքէն եւ այս բոլորին իր կոշտ գնահատականը պէտք է տայ նաեւ միջազգային հանրութիւնը։