Ախալքալաքի շրջանի Կումպուրտօ (վրաց. Քումուրտօ) գիւղի Սուրբ Համբարձման եկեղեցին կառուցուած է 10-րդ դարուն: Տակաւին 2016 թուականէն սկսած էին եկեղեցւոյ վերականգնման աշխատանքները, որոնք մինչեւ օրս աւարտին չեն հասցուած։

Այս տարի վերանորգման աշխատանքները վերսկսած են Յունիս ամիսէն։ Ծրագիրին մէջ կը մտնէ դիմացի դարպասը եւ դարպասէն աջ ինկած հատուածը, ինչպէս նաեւ եկեղեցւոյ կտուրը վերանորոգելու պարտաւորուածութիւնը։ Հիմա կ’որոշուի գմբէթի հարցը, դեռ որոշուած չէ, թէ ինչէ պէտք է ըլլայ այն, ժամանակաւոր ծածկ պիտի ըլլայ, թէ քարէ կառոյց: Հարցը պիտի որոշուի Թիֆլիսի մէջ կայանալիք ժողովի ժամանակ։

Յիշեցնենք, որ տաճարի վերանորոգումը կ’ընթանայ Վրաստանի մշակութային ժառանգութեան պաշտպանութեան ազգային գործակալութեան եւ «Քարթու» հիմնադրամի միջոցներով: «Քարթու» հիմնադրամը շուրջ 3 000 000 լարի  յատկացուցած է Կումպուրտոյի տաճարի վերականգնման համար: