Ռուսիոյ պաշտպանութեան նախարար Սերկէյ Շոյկու Երեքշաբթի՝ Օգոստոսի 16-ին, հանդիպած է իր հայ գործընկեր Սուրէն Պապիկեանի հետ Մոսկուայի անվտանգութեան 10-րդ միջազգային համաժողովի ծիրին մէջ, որուն ընթացքին քննարկուած են նաեւ Արցախի մէջ ռուսական խաղաղապահ ուժերու գործունէութիւնը, կը գրէ «ՌԻԱ Նովոստի»։ «Մենք քննարկելու հարցեր ունինք՝ կապուած Արցախի մէջ առաջադրանքներ իրականացնող մեր խաղաղապահ զօրքերու գործունէութեան հետ։ Մենք, ինչպէս դուք, համոզուած ենք, որ հիմնական կայունացնող գործօնը հրադադարն է շփման գիծի ողջ երկայնքով»,- բանակցութիւններու ժամանակ ըսած է Ռուսիոյ ռազմական գերատեսչութեան ղեկավարը։ Սուրէն Պապիկեան հաստատած է, որ հանդիպումն արդէն երկրորդն է տարեսկզբէն, բան մը, որ ցոյց կու տայ հայ-ռուսական երկկողմ համագործակցութեան բարձր մակարդակը։