Արեւմտեան Հայաստանի Բաղէշ քաղաքը կը հիացնէ իր այցելուները։ Լեռներով շրջապատոուած գեղեցիկ այս քաղաքին մէջ զբօսաշրջիկներու ուշադրութիւնը ամէնէն շատ գրաւող վայրերէն մէկը Հիզանի խրձասիւն տուներն են։ 

Խրձասիւն տուները, որոնք մեծ հետաքրքրութիւն առաջացուցած են լրատուամիջոցներուն կողմէ հրապարակուած տարուան չորս եղանակներուն ստացուած լուսանկարներով,  այժմ ոչնչացման վտանգի տակ են։ Բացառապէս քարէ ու փայտէ կառուցվուած 300-ամեայ տուներն օրէցօր կը վնասուին ժամանակի եւ եղանակային պայմաններու պատճառով,  չեն վերականգնուիր ու չեն պահպանուիր։

Հիզան գաւառին մէջ գտնուող այս տուները երկու կամ երեք յարկ ունեցող տուներ են, քով քովի շարուած ու իրար հետ փոխկապակցուած։ Յատկանշական է, որ գաւառի երկու գիւղեր ճիշդ այս ճարտարապետութեամբ կառուցուած են, քանի որ լեռնային աշխարհագրութեան պատճառով անոնք հիմնուած են լերան լանջին։ Պատմական ​​տուներէն մէկուն պատշգամբը կրնայ մէկ այլ տան տանիքը ըլլալ։ Հակառակ գիւղացիներու պաշտպանութեան ու վերականգնման պահանջներուն, տուները պահպանելու ոչ մէկ միջոց  ձեռնարկուած է։ Գիւղացիները, որոնք սեփական միջոցներով կը վերանորոգեն տուները, ստիպուած  կրյոյլ կ’օգտագործեն։ 

Արեւմտեան Հայաստանը կ’արձանագրէ հերթական ցաւալի դէպքը, Թուրքիոյ կողմէ բռնազաւթուած Արեւմտեան Հայաստանի տարածքին։ Բաղէշ հայկական իւրօրինակ մշակոյթը կրող քաղաքներէն մեկն է, որուն պահպանութիւնը Արեւմտեան Հայաստանի նախագահի ուշադրութեան կեդրոնն է։ Այն, ինչ տեղի կ’ունենայ , մշակութային ցեղասպանութեան շարունակութիւնն է։