Մարդու Իրաւունքներու Պաշտպանութեան Վերահսկման Կազմակերպութիւնը (HRW) գրաւոր յայտարարութեան մէջ նշած է, որ «Սուրիոյ հիւսիսը հակամարտող բոլոր կողմերը պէտք է նուազագոյնի հասցնեն քաղաքացիական անձերու վնասը ընթացիկ եւ ապագայ ռազմական գործողութիւններու ընթացքին»:

Կազմակերպութիւնը հրապարակած է հարց ու պատասխանի փաստաթուղթ, որ կը վերաբերի «Թուրքիոյ կողմէ ռազմական միջամտութեան սպառնալիքին՝ Սուրիոյ հիւսիսը քիւրտերու գլխաւորած ուժերու վերահսկողութեան տակ գտնուող հատուածներուն մէջ»:

Oգոստոսի 17-ին «Հիւսիսային Սուրիոյ քաղաքացիական անձերը վտանգի տակ են» վերնագրով հրապարակուած փաստաթուղթին մէջ՝ որպէս հիմնական մտահոգութիւն ընդգծուած են «անօրինական յարձակումները, մարդասիրական պայմաններու վատթարացումը եւ Իսլամական  Պետութեան վերսկսման վտանգը»։  Անդրադառնալով Սուրիոյ հիւսիս-արեւելքը Թուրքիոյ հնարաւոր ռազմական գործողութեան, կազմակերպութիւնը նշած է. «Թուրքիոյ ծրագրած միջամտութիւնը պիտի ըլլայ Թուրքիոյ չորրորդ ռազմական միջամտութիւնը Սուրիոյ հիւսիսը՝ 2016 թուականէն ի վեր: Նախորդ ռազմական միջամտութիւնները ուղեկցուած են մարդու իրաւունքներու խախտումներով»: