Զաւթարար Թուրքիոյ իշխանամերձ թերթը, անդրադառնալով Դամասկոս-Անգարա յարաբերութիւններուն, գրած է, որ Սուրիոյ նախագահ Պաշշար Ասատ 5 պահանջ  ներկայացուցած է Անգարային։ Ըստ յիշեալ աղբիւրին՝ Դամասկոս, որ «11 տարի անց Թուրքիոյ հետ կը ցանկայ կրկին հարեւան դառնալ» Անգարային հետեւեալ պահանջները ներկայացուցած է․

1․ Իտլիպի վերադարձը Դամասկոսի վարչակազմին

2․ Քեսապի մաքսակէտի վերադարձը Ռէյհանլը-Ճիլվէկէոզու սահմանային անցակէտին հետ միասին

3․ Երթեւեկելի միջանցք Ճիլվէկէոզուի եւ Դամասկոսի միջեւ

4․ Լիարժէք հսկողութեան սահմանում Սուրիոյ արեւլեան Տէր Զոր-Հասիչէ քաղաքներուն եւ Հալէպ-Լաթաքիա երթեւեկելի միջանցքին (M4) վրայ

5․ Թուրքիոյ աջակցութիւնը Եւրոպայի եւ ԱՄՆ-ի՝ Ասատի վարչակազմին աջակցող  գործարարներուն։

Այն քաղաքականութիւնը, որ այժմ կը վարէ զաւթարար Թուրքիա կրկին բռնազաւթումներու նպատակ կը հետապնդէ։ Արեւմտեան Հայաստանի բնիկ տարածքները բռնազաւթելէ եւ բնիկ ժողովուրդը իրենց հողին մէջ սպանելէ ետք, այս երկրին ախորժակը աւելի բացուած է, քանի որ չստացաւ յստակ պատիժ նախորդ դարասկիզբին կատարած իր յանցագործութիւններուն համար, եւ Թուրքիոյ այսօրինակ վարքը պիտի շարունակուի այնքան ժամանակ, մինչեւ միջազգային հանրութիւնը տայ յստակ գնահատական եւ բնիկները կրկին հնարաւորութիւն ունենան ապրիլ իրենց հայրենիքին մէջ, որ որեւէ կերպով չ’առնչուիր Թուրքիոյ հետ եւ այն պիտի ըլլայ Արեւմտեան Հայաստանի բնիկ տարածքները ինչպէս նաեւ Կիլիկիան։