Արցախի Հանրապետութեան Անվտանգութեան խորհուրդի քարտուղարը դիմած է Հանրապետութեան մէջ տեղակայուած ռուսական խաղաղապահ զօրակազմի հրամանատարին եւ պահանջած արգիլել խաղաղապահ զօրակազմի պատասխանատւութեան գօտիին մէջ, առանց Արցախի Հանրապետութեան Անվտանգութեան խորհուրդի եւ խաղաղապահ զօրակազմի համաձայնութեան, ատրպէյճանցի եւ այլ երկիրներու զանգուածային լրատուական միջոցներու մուտքը։

Այս մասին կը յայտնէ ԱՀ ԱԽ գրասենեակը։  Յիշեցնենք, որ ատրպէյճանական «Հաքքին» լրատուամիջոցի խմբագիրը ռուս սահմանպահներու ուղեկցութեամբ այցելած է Բերձոր, Աղաւնոյ, ներակայացած որպէս միջազգային կազմակերպութեան ներկայացուցիչ ու զրուցած Աղաւնոյի գիւղապետին ու այնտեղ գտնուող հայաստանցիներուն հետ։

Արեւմտեան Հայաստանը բացասական կը դիտարկէ նման ձեռնավարական գործողութիւնները ատրպէյճանական լրատուականներու կողմէ, եւ կը յորդորէ համապատասխան մարմիններուն աչալրջօրէն վերաբերիլ այս հարցին ու թոյլ չտալ ատրպէյճանական սադրիչ լրատուականներուն վարկաբեկել կամ որեւէ կերպով վնասել Արցախի բնիկ տարածքներուն մէջ ապրող հայերու իրաւունքները։